كيف اقدر احط الترجمة مع الفيلم في (سي دي)؟

[nasserx]

السلام عليكم
كيف اقدر احط الترجمة مع الفيلم في (سي دي)
شاكر لكم مساعدتكم:blye1:

[ebadelhady]

اولا هنحتاج برنامج vob sub وبرنامج winavi converter .

ثانيا هنضبط ملف الترجمه والساده الاعضاء استفاضوا فى شرح طريفة ضبط الترجمه.

ثالثا نسمى ملف الترجمه زى اسم الفلم بالضبط يعنى مثلا لو الفلم اسمه robots يبقى ملف الترجمه لازم يبقى نفس الاسم.

هنفتح برنامج winavi هندوس على menu ونختار format convert وبعدين نختار any to vcd/dvd/svcd /mpg .

هتظهر نافذه عشان تختار الفلم اللى هنثبت عليه الترجمه وكمان نحوله لفيديو سى دى

بعد ماتختار الفلم هتظهر نافذه جديده هتلاقى فيها 3 نوافذ صغيره كالاتى:

الاولى فيها اسم الفلم اللى احنا اخترناه وعايزين نحوله ونثبت الترجمه عليه وممكن نغير الفلم ونختار واحد تانى بالضغط على reselect

والتانيه مكان التحويل اللى هييظهر فيه الفلم بعد التحويل

والتالته هنختار عايزين نحوله لفيديو سى دى او ديفيدى , اختيار البرنامج هيكون على dvd انت تغيره تخليه vcd

بعد ماتخليها vcd هتلاقى ايقون اسمه advanced اضغط عليه هتلاقى اختيارين كالاتى:

الاول vcd واللى يهمنا هو حاجه اسمها preference وهنا لو عايز التحويل يكون سريع اختار by speed ولو عايز جوده افضل اختار by quality .

والنافذه التانيه اسمها econde واللى يهمينا فيها source aspctio ratio وده لو الفلم فيه الخطين السود وانت عايز تسيبه زى ماهو يبقى اختار auto لوعايز تشيلهم يبقى اختار 4:3

كمان هتلاقى حاجه اسمها soften picture علم عليها ,دى عشان ماتبقش صورة الفلم فيها المربعات الصغيره المزعجه.
وبعدين هندوس ok وبعدينokتانى وهيبدأ التحويل وهتلاحظ ان السهم الاخضر شغال تحت جنب الساعه ده معناه ان برنامج vob sub اشتغل هندوس عليه مرتين هتطلع نافذه هنلاقى حاجه اسمه arial هندوس عليها هتطلع نافذه تانيه هنختار حجم الخط وهنخليه 28 (اصل انا نظرى ضعيف شويه) ونختار شكل الخط bold ونوع الكتابه arabic transport .

طبعا عايز تعرف الترجمه بتتثبت على الفلم ولا لأ ,طبعا برنامج winavi بيحول الفلم دوس عليه هتطلع نافذة التحويل
هتلاقى حاجه اسمها open the preview ّّّّّّ هتلاقى الفلم شغال والترجمه شغاله معاه أن شاء الله

حد هيقولى انا عملت كده بس الترجمه مش شغاله هقوله اقرأ الخطوات اللى فاتت تانى ونفذها صح وان شاء الله هاتشتغل.

يارب يارب اكون قدمت حاجه مفيده للمنتدى اللى علمنى الكتير وباحاول بشتى الطرق ارد ولو جزء من اللى استفدته منه.

وده رابط برنامج winavi
http://www.free-codecs.com/download/WinAVI_Video_Converter.htm

Password:AEA4271F2138944FBEE9FB7ECA63A202E76FA23CC E8A5238

الشرح منقول

[khaled123]

يا اخي عندي مشكله حولت فلم عن طريق البرنامج اللي قلتلي عنو بس المشكله بعد ما حولتو طلعتلي ترجمه بلغه مش مفهومه روسيه او هيك شي وحولت فلم تاني (قراصنه الكاريبي )طلعت الترجمه بالعربي كيف ممكن احول الفلم الاول مع ترجمه عربيه وحياتك ساعدني وشكرا سلفا

[SENI0R]

أخي لما برنامج الترجمه ببين عندك تحت وين الساعه عشكل سهم أخضر.
اكبس عليه مرتين...بجيلك الخيارات...فوت عل اريال (الخط)... كمان مره على اريال أو هناك إختار اللغه تكون عربي...